Maine pehli baar home kit kharidi hai aur thoda confuse hu kaise use karte hai sahi se. Subah ka pehla urine lena hota hai kya? Koi hindi me step by step bata do please.
Morning ki first urine use karo, wahi best result deti hai. Kit ke andar instruction hote hai, mostly 2 drops daalne hote hai. Do gulabi line aaye toh positive. Missed period ke baad karo tab pakka aata hai, jaldi karne se galat aa sakta hai.
Tension mat lo, bahut easy hai. Period miss hone ke baad subah test karna, clear aata hai. Agar confusion ho line ko lekar toh doctor se blood test karwa lena confirm ke liye.
Haan simple hai na. Subah ki pehli urine lo ek saaf katori me, fir kit me jo dropper hota hai usse 2-3 boond test wale jagah pe daalo. 5 min ruko. Do line matlab positive, ek line matlab negative. Subah wali urine sabse accurate hoti hai.
Maine bhi pehli baar kiya tha toh dar lag raha tha. Bas katori me subah ki urine li aur dropper se daala. Faint line bhi aaye na toh wo bhi positive hi hota hai mostly, retest kar lena 2 din baad.
