mera weight bohot tezi se badh raha hai and my gynac told me to watch it. i dont want to harm the baby ofc, just want to gain in a healthy way. koi tips in simple hindi? would really help.
Haan na, pregnancy me weight achanak bohot badh jata hai. Par diet control karne ki galti mat karna, ho na. Bas har meal me thoda protein aur veggies badhao aur mild walking chalu rakho, sab normal rahega.
Pregnancy me weight control karne ke liye dieting toh bilkul mat karna, baby ko nutrition chahiye hota hai. Bas processed sugar, junk food aur bahar ka khana band kar do. Ghar pe bana simple khana khao aur thodi normal walk karo daily, weight control me rahega.
Mujhe toh bilkul time nahi milta tha exercises ke liye working hone ki wajah se. Maine bas portion control kiya aur office me lifts ki jagah stairs use ki thodi bohot. Junk food bilkul limit me khao, weight gain control me rahega bina kisi extra mehnat ke.
Mera bhi weight bohot speed se badh raha hai 2nd trimester me aur main thoda tension me hoon. Gynac ne kaha ki din me kam se kam 30 mins walk karni chahiye. Kya aap me se kisi ko koi safe exercises pata hain jo weight stabilize karne me help karein?
Arre weight toh badhega hi, hamara toh abhi tak delivery ke baad bhi kam nahi hua! Maze se khao par healthy khao. Bas din me do baar walk kar lo taaki sugar level normal rahe, baki thoda weight gain toh chalta hai yaar!
Mere hospital ke dietician ne mujhe ek customised meal plan diya tha mera weight healthy rakhne ke liye. Aap bhi apni gynac se keh kar ek proper chart banwa lo. Khud se bina advice koi diet plan mat follow karna, baby ki growth pe asar pad sakta hai.
Dekho, do logon ke liye khana ek bada myth hai, extra sirf 300-400 calories chahiye hoti hain. Junk food, sweets aur maida se bani cheezein band kar do. Din me do baar half hour ki simple walk rakho, bina baat ka fattu weight gain nahi hoga.
