First time pregnant and honestly feeling a bit overwhelmed with everything, the food, rest, work, all of it. Just want to know how u ladies managed it all without stressing too much. Any small tips welcome.
Basic to teen cheez hai - regular checkups miss mat karo, simple healthy khana khao aur thoda rest plus halki walk. Maine dono pregnancy mein yahi follow kiya. Apni gynac ki di hui supplements time pe lo aur jo unhe bola woh karo, baaki tension mat lo.
Ek cheez jo maine seekhi - shuru se ek hospital aur doctor fix kar lo aur package pooch lo, last minute mein cost bahut badh jaati hai. Tests time pe karwati raho. Ghar ka simple khana hi best hai, mehnga health food zaroori nahi.
Positive raho aur apne aap ko stress mat do, ye time enjoy karne wala hai. Acha khao, achi soch rakho aur doctor ki baat maano. Mujhe meditation aur halki prayers se bahut sukoon milta tha.
Mujhe bhi shuru mein samajh hi nahi aaya tha kahan se start karu, sab kuch zyada lag raha tha. Dheere dheere routine set ho gaya. Kya baaki sabko bhi pehle ye sab itna confusing laga tha?
Beta itna overwhelm mat ho, ek ek din kar ke chalo. Acha khao, neend poori karo, paani khoob piyo aur khush raho. Jab bhi kuch alag lage doctor se pooch lo, baaki body khud bahut kuch sambhal leti hai.
Honestly job ke saath manage karna thoda hectic tha but routine bana lo to easy ho jaata. Main meals prep kar leti thi, beech beech mein break le ke pair upar karti thi. Checkups ke liye calendar reminder laga lo taaki miss na ho.
