Im 7 months along and raat bhar bas karwatein badalti rehti hu, neend hi nahi aati. Pehle toh main bahut achi sleeper thi, ab thak jaati hu but neend nadaarad. Ye normal hai kya pregnancy me, aur kyu hota hai aisa?
Yaar 8th month me toh neend bas naam ki hai, raat me 4 baar washroom aur baby raat ko hi football khelta hai. Lagta hai abhi se practice de raha hai sleepless nights ki, lol.
Mere case me toh zyada overthinking thi, delivery, baby sab sochke neend udd jaati thi. Phone raat me dekhna band kiya aur thoda halka music suna toh better hua. Agar bahut zyada ho toh doc ko zaroor batao.
Mere ghar me amma bolti thi raat me ek glass haldi wala garam dudh lo, sukoon milta hai. Body changes ki wajah se neend kam hoti hai, normal hai. Bas zyada disturb ho toh doctor ko bol dena.
Kai cheezein, hormones, baar baar washroom, baby ki kicks aur pet badhne se comfortable position na milna. Mai side pe lake ke beech me pillow rakh ke soti thi, kaafi help hua.
Acidity bhi ek bada reason hota hai raat ki neend kharab karne ka. Mai dinner thoda jaldi aur halka rakhti thi, aur sone se pehle screen door. Pregnancy pillow ne kamar ko support diya, neend sudhri.
