5th week chal raha hai aur subah uthte hi ulti jaisa feel hota hai, kabhi ho jati kabhi bas matli. Samajh nahi aa raha ki ye normal morning sickness hai ya kuch zyada. Aapko kis tarah ki ulti hoti thi shuru me? share karo pls
Zyadatar nausea aur ulti first trimester me hoti hai, hormones ki wajah se. Khaali pet mat raho, subah uthte hi ek biscuit kha lo. Smell se trigger hota hai toh tej khushboo se door raho.
Mujhe to morning sickness ne bahut tang kiya, naam morning hai par kabhi bhi ho jaati thi. Halki ulti aur mitli normal hai pehle teen mahine. Chote chote meals aur adrak wali cheez se thoda aaram mila.
Ghar me bade kehte hai subah neembu paani ya thoda jeera paani lo, mitli kam hoti hai. Mere saath bhi tha. Par agar bahut zyada ho toh doctor ko dikhana, ghar ke nuskhe sirf halki me.
Mujhe 3 mahine bahut ulti hui phir apne aap kam ho gayi. Tab laga sirf mujhe ho raha kya, par sabko hota hai shuru me. Ab better hu. Kisi aur ka kab tak chala?
Normal ulti toh chal jaati hai, par agar din me itni baar ho ki kuch ander na ruke, paani bhi nahi, weight gir jaye toh wo hyperemesis ho sakta hai. Aisa ho toh doctor ko zaroor dikhao, drip ki zarurat pad sakti hai.
